Saan nak nga interesado
Ania ti manglapped kenka a pudno a mangisuko iti biagmo iti turay ken ayat ni Jesucristo, ti kakaisuna a Dios a natay para KENKA?
Adtoy dagiti rason nga ited ti dadduma a tattao:
“Saanak a nakasagana.”
Bueno, nakasaganaka kadi a matay ita a rabii nga awan ti pammakawanna? No saan, ngarud nakasaganaka nga umawat ken Jesus ita. No kasano nga adda Dios a mangay-ayat unay kenka, adda met diablo a naan-anay a manggurgura kenka. Itedna kenka ti amin a kita ti rason ken rason tapno SAANMO nga ited ti biag ken pusom ken ni Jesus. Dayta ti gapuna nga awagan ti Biblia nga ‘ama ti amin a kinaulbod.’
Wenno, mabalin a saankan a nakasagana a mangisuko iti sumagmamano a basol iti biagmo. Saan a baro dayta. Masapul nga agbiagtayo amin para ken Jesus iti maysa nga aldaw iti tunggal gundaway. No ti paboritom a basol ti mangyadayo kenka iti ayat ti Dios ken manipud langit, maikari kadi dayta? Ket aniaman a basol nga itedmo ket masukatan iti adayo a dakdakkel a rag-o ken talna iti pusom. Ikarik.
Sige. Umasideg ka kenni Apo, ken ibatim iti anyaman nga rason mo. Tulungan naka ti inaldaw.
“Adu unay ti napatpateg nga isyu ti Dios ngem dagiti kararagko.”
Panunotem dayta. Panagkunam, ti Dios a mangtengtengngel iti intero nga lubong ket makasungbat laeng iti 20 a kiddaw ti kararag iti inaldaw? Panagkunam, masapul kadi nga agurayka iti pila, wenno dalusam nga umuna ti biagmo sakbay a mangngegnaka ti Dios?
Kuna ti Biblia a dina kayat nga uray maysa laeng a tao (SIKA) ti saan nga dumanon dyay langit. No sika laeng koma ti managbasol ditoy daga, immay latta koma ditoy daga tapno matay ken agungar tapno mapakawanka!
Siaanus nga ur-urayenna nga umasidegka Kenkuana. Tunggal agsapa no sumingising ti init, kasarsaritanaka ken ipakpakitana kenka ti kinaimbagna. Dika aguray iti sabali nga aldaw. Dimo ammo no kaano a mapasamak ti maudi nga aldawmo ditoy daga. Masiguradom a mapanka idiay langit babaen ti basta panagayab Kenkuana.
No dayta ti tarigagaymo, bisitaem ti artikulomi nga I'm-Curious-to-Learn-More.
“Nalabes ti basolko.”
Mano ti sobra? Ilasinnatayo kadi ti Dios iti ‘dakes a managbasol’ wenno ‘nasayaat a managbasol?'
Sigun iti Biblia, nagbasoltayo AMIN, ket iti kasta AWAN ti makastrek idiay langit, ta no saan, saanen a perpekto ti langit. Kasla bassit man wenno dakkel dagiti basbasoltayo, madiskualipikatayo amin. Managbasol tayo amin.
Ngem ti ayat ti Dios abbonganna ti TUNGGAL basol. Uray idi matmatayen ni Jesus iti krus, dua met a mammapatay ti mailansa a kaduana. Inuyaw ti maysa ni Jesus, ngem nagpakaasi ti sabali ken ni Jesus a pakawanenna Isuna. Ket kinuna ni Jesus nga aramidenna.
“Nasayaatak a tao... sigurado a saan a kas iti kinadakes ti adu a tattao.”
Dagiti kadi naimbag nga aramidmo ti mangiturong kenka idiay langit? Talaga kadi nga agtalekka nga umdas ti naaramidam a naimbag nga aramid? Adda dua a benneg a problemado iti daytoy a pamay-an.
Maysa ti saludsod, mano a naimbag nga aramid ti masapul nga aramidek tapno makastrekak iti langit? Kasano ngay no agkurangak ti maysa a nasayaat nga aramid?
Ti sabali pay a pakarigatan ket, ‘no makagtengak idiay langit babaen kadagiti naimbag nga aramidko, apay a nasken nga umay ni Jesus ditoy daga ket matay?’
Isuro kadatayo ti Biblia a saantayo a makagun-od iti langit... sagut dayta! Ngem masapul nga iyunnatko ti imak ken awatek dayta babaen ti pammati.
Napateg unay dagiti naimbag nga aramid, ngem awan kadagitoy ti makapunas iti basoltayo. Ni laeng Jesus ken ti trabahona iti krus ti makakawan kadatayo.
Gapuna, umdasen dagiti rason? Panawenen tapno umawagka iti Dios ken kiddawem Kenkuana a kontrolenna ti biagmo. Dawatem Kenkuana a pakawanennaka ken agbalin nga Apom, Mangisalakan ken boss ti biagmo. Daytat’ kasayaatan a pinilim.
Bisitaem ti artikulomi nga I'm-Curious-to-Learn-More article, ket mabalinmo ti agkararag iti kararag a mangbalbaliw iti pusom iti agnanayon!
Resources
